time-to-read.short-label
post.update-date
ინტერვიუ / ანეტი მიქელაძე
❓ რისკენ მიმართავდი ხოლმე შენს ენერგიას?
ადამიანებისკენ, ვინც მიყვარს..
❓ რა იმალება შენში?
აღარაფერი. ყველა დემონი გარეთაა :D
❓ რა გინდა რომ შენი არსბეობით თქვა?
არ იმუშაოთ იმ სამსახურში, რომელიც არ გიყვართ. არ დარჩეთ იქ, სადაც პატივს არ გცემენ.
❓ რა იყო შენს ცხოვრებაში ყველაზე რთული, რისი გადალახვა?
ოჯახის გავლენის. სოციალური ჩარჩოების.
❓ რა გაძლევდა მოტივაციას საბრძოლველად?
თავისუფლების სიყვარული.
❓ რას აფასებ ადამიანებში?
როდესაც მათი სინდისის გამოცდის დროს, საკუთარი ღირებულებების ერთგულები რჩებიან.
❓ შენში, რა გინდა რომ უფრო ძლიერი და მყარი იყოს?
კულულების ბზინვარება.
❓ ამქვეყნად რის დეფიციტს განიცდი?
ადამიანების, რომლებიც სხვებს არ განსჯიან.
❓ რა არის საბრძოლველი?
ერთადერთი რის გამოც ბრძოლა ღირს იმ ოცნებების ასრულებაა, რომელიც გაქვს.
❓ რა იყო ყველაზე მნიშვნელოვანი რასაც შენს ცხოვრებაში მიხვდი?
მამაკაცების აზრი შენს მიმზიდველობასთან დაკავშირებით არ არის შენი სილამაზის განმსაზღვრელი.
❓ რა არის საინტერესო?
თვითონ შენ ხარ ყველაზე საინტერესო - საავტორო ფილმის მთავარი გმირი.
❓ რას უმეორებ ხოლმე საკუთარ თავს ხშირად?
ნუ უხსნი გულს ადამიანებს მარტივად.
❓ რა არის შენთვის ნამდვილი ბედნიერება?
მყუდრო სახლში საუბრები დილამდე - ანიმეებზე, მანგებზე, პოლიტიკაზე, ატომებზე, სოციალურ უთანასწორობაზე, რასიზმზე, ბავშვობაზე, ნამცხვრებზე...
❓ რისი გწამს?
სიყვარულის.
❓ მითხარი შენი საყვარელი ფრაზა...
he said one day you'll leave this world behind so live a life you will remember
❓ რა არის შენი არსებობის მთავარი მიზანი?
თუ არსებობს, არ მინდა რომ ვიცოდე.
❓ დაასრულე ფრაზა - მარადიული ის არის მხოლოდ....
ის ურთიერთობა, ის საქმე, ის მეგობრობა, რომელშიც ჩვენი გულის ნაწილს ვდებთ და ვქმნით მოგონებებს.
❓ ასევე, დაასრულე ფრაზა - ერთ მშვენიერ დღეს.....
ჯორჯ მარტინი გამოაქვეყნებს „ყინულისა და ცეცხლის სიმღერის“ გაგრძელებას.
#interview #interArt #ინტევრიუ #ინტერარტ
#AnetMikeladze #Anet #Mikeladze
Anet Mikeladze / Journalist