top of page

Interview: Ana Shubitidze


✍️ ინტერვიუ / ანა შუბითიძე


☀️ "სინათლე შენში იმაზე ძლიერია ვიდრე ის, რისიც გეშინია"

❓ რა გჭირდება ეხლა?


ეხლა ყველაზე მეტად მჭირდება პაუზა, სიმშვიდე და სტაბილურობის განცდა. ბოლო რამდენიმე თვეა როლერ კოსტერში ვარ და ცოტახნით შევისვენებდი.


❓ რას შეუძლია შენი მოდუნება?


ყველაზე მოდუნებულად თავს ბუნებაში ვგრძნობ, ხეებში, მინდორზე, ყვავილებში და ჩიტების ჭიკჭიკში.


❓ რა აციმციმებს ადამიანის თვალებს როგორ ფიქრობ?


შინაგანი სინათლე, სიყვარული, აღფრთოვანება, მადლიერება, თამაში.


❓ რას უსურვებდი ანას?


მაქსიმალურად დაუკავშირდეს თავის ნამდვილ ბუნებას და მასთან შეთანხმებულად გადადგას ყველა ნაბიჯი.


❓ შენი ცხოვრების ამ ეტაპზე, არის რამე რასაც ძალიან მტკიცედ მიხვდი?


მივხვდი რომ უნდა უსმინო შინაგან ხმას, ინტუიციას. ენდო, პატივი სცე და მიყვე.


❓ შენთვის რა არის ყველაზე ძვირფასი?


ყველაზე ძვირფასია მდგომარეობა, როცა ვხვდები, რომ რაღაცას ვაკეთებ სიყვარულით და არა ვალდებულებით.


❓ რა მოგწონს და გიყვარს საკუთარ თავში?


მომწონს ჩემი მსუბუქი და მხიარული მხარე.

მიყვარს ჩარჩოების გარეშე რომ ვუყურებ სამყროს.


❓ სხვებში რა გიზიდავს და გაინტერესებს ყველაზე მეტად?


მაინტერესებს სინამდვილეში როგორები არიან, ფასადის და თავდაცვის გარეშე. თუ ჩემთვის საინტერესო ადამიანია ყოველთვის ვცდილობ მაგ ნაწილში შევიდეთ.


❓ ვინ გინდა რომ იყო მომავალში?


ადამიანი, რომელსაც ძალიან უყვარს ცხოვრება, იღებს მისგან სიამოვნებას და უზიარებს სხვებსაც.


❓ რა გიჩუყებს გულს?


უზომოდ გულჩვილი ვხდები როცა პატარა ბავშვებს უფროსები თვითგამოხატვას უზღუდავენ.


❓ რას თვლი ადამიანისთვის დიდ მიღწევად?


ჩემი აზრით ყველაზე დიდი მიღწევაა, როცა შენს არსს გრძნობ როგორი ხარ, რატომ ხარ და როგორი განვითარებისკენ ისწრაფვი.


❓ რა მოგიტანდა სრულ კმაყოფილებას?


ამ ეტაპზე, სრულ კმაყოფილებას მომიტანდა იმის აღმოჩენა, რისი კეთება მინდა ცხოვრებაში.


❓ რა შეგრძნებით გინდა იყო ამ სხეულში ამ სამყაროში?


მინდა რომ ყველაფრით შემეძლოს აღფრთოვანება და სიყვარულის, მადლიერების განცდა.


❓ დაასრულე ფრაზა: „ რომ შემეძლოს....


5 წუთით ყველას ვაგრძნობინებდი საკუთარ, ნამდვილ, გულწრფელ ბუნებას.


❓ დაასრულე ფრაზა: „ჩემი სანუკვარი ოცნებაა....


აღმოსავლეთის ქვეყნებში წავიდე სამოგზაუროდ და ზოგიერთ ადგილას დროებით ვიცხოვრო.


❓ საყვარელი ფრაზა..


☀️ "სინათლე შენში იმაზე ძლიერია ვიდრე ის, რისიც გეშინია"


----------------------------------------

ინტერვიუს პარტნიორია - თანთანი



ანა შუბითიძე- ინტერვიუს Advertising მენეჯერი

124 views0 comments

Recent Posts

See All

Comments


bottom of page