interview: Lado Aphkhazava

✍️ ინტერვიუ / ლადო აფხაზავა


❓სადამდე უნდა დავთმოთ საკუთარი თავი?


გულმა უნდა გიკარნახოს რასაც აკეთებ, გულს უნდა გაუხარდეს სხვისი გულისთვის გაღებული მსხვერპლი. თუ შენს გულს ახარებს, ვფიქრობ, კარგი ადამიანი სწორედ მაშინ ხარ.


❓ რას ხედავთ როცა ბავშვებს უყურებთ? რა ისწავლეთ მათგან?


ვხედავ ღმერთს. ვისწავლე თავისუფლება.


❓ თუ უთქვამს ვინმე ბავშვს ისეთი სიტყვები რაც გულში ჩაგრჩათ?


ჩემი მოსწავლე ლევანიკო წაიქცა, წამოდგომაში მოვეხმარე და ჩავეხუტე, ტიროდა და მითხრა: „მას, მე არ ვარ სრულფასოვანი ადამიანი". ეს იმიტომ თქვა , რომ მშობლებთან არ იზრდებოდა და სიყვარული აკლდა. ამის შემდეგ ვფიქრობ, რომ ყველა ბავშვი დედასთან და მამასთან უნდა იზრდებოდეს.


❓ რა არის ცხოვრებაში საინტერესო?


ცხოვრებაში ყოველთვის, ყოველ დღე, შეიძლება ახალი ცხოვრების დაწყება. სწორედ ეს არის საინტერესო - შეცვალო შენი ცხოვრება უკეთესობისკენ.


❓ რისთვის ვიბადებით, როგორ ფიქრობთ, რა გვევალება?


სიცოცხლისთვის ვიბადებით და სწორედ სიცოცხლე გვევალება.


❓ რა იყო ყველაზე მნიშვნელოვანი, რასაც მიხვდით?


მივხდი იმას , რომ შეცდომებით უფრო მეტი ვისწავლე , შრომით უფრო მეტი მოვიგე და ტკივილით უფრო გავძლიერდი.


❓ რა არის თქვენი ოცნება?


ოცნებას მოქმედება მირჩევნია, ასე რომ, ვმოქმედებ და არასდროს ვოცნებობ


❓ სიკვდილზე ფიქრისას რას გრნძნობთ ხოლმე?


ქართველებს ერთი საოცარი სიტყვა გვაქვს გარდაცვალება, რაც გამორიცხავს სიკვდილს. ჰოდა, ერთხელ ხომ გარდავიცვალეთ - დედის მუცლიდან გარეთ გამოვედით, წყლიდან ჰაერზე დავიწყეთ ცხოვრება, რომელიც არავის არ გვახსოვს. ჰოდაც რა გრძნობა უნდა მქონდეს, როცა არ მახსოვს, როგორია გარდაცვალება.


❓ რა სჭირდებათ ბავშვებს?


სიყვარული.


❓ ორიოდე სიტყვა სიყვარულზე...


სიყვარულისთვის შეიქმნა ადამიანი. ჰოდა, უფრო მეტად უნდა შევიყვაროთ ერთმანეთი, რადგან ცოტა დრო გვაქვს ცხოვრებისათვის, გამარჯვებისთვის, შრომისთვის, სწავლისთვის, თავისუფლებისთვის.


❓ გამიზიარეთ თქვენი ცხოვრებისეული გამოცდილება...


✨ "როცა ვინმე ტალახს გესვრის ზურგს უკან, იცოდე, რომ მის წინ დგახარ და უკან არ მიიხედო, გააგრძელე სვლა წინ."


#ინტერვიუ #ინტერარტ #InterView #InterArt




 

 

Copyright © 2019 Interview