Interview: Lila

"ცოტა ხანი შენი თავიდან გასვლის და სხვა ადამიანის განწყობებით ცხოვრების საშუალება გაქვს"

ინტერვიუ / ლი ლა ლილა 23 წლის


- რა არის ადამიანებთან ურთიერთობაში საინტერესო?


ადამიანის გვერდით ჯდები და მის ველში ხარ. ცოტა ხანი შენი თავიდან გასვლის და სხვა ადამიანის განწყობებით ცხოვრების საშუალება გაქვს


- რა ქმნის ურთიერთობაში უხერხულობას?


თუ ადამიანს ვერ ელაპარაკები, ვერც უახლოვდები. უხერხულია როცა საერთო ინტერესები არ გაქვს და მაინც გიწევს ლაპარაკი


- რისთვის იბადება ადამინი?


საკუთარ თავთან შეხვედრისთვის


- რა გეჩვენება ხოლმე მარტივად?


რაზეც ძალიან ცოტა ინფორმაცია მაქვს. თუ ჩავუღრმავდი ყველაფერი რთულდება


- რისი გწამს ცხოვრებაში?


შეუქცევადი ცვლილებების. მგონი ეს ერთი რამე იმედს არავის გაგვიცრუებს თავისი მარადიულობით


- რა გაინტერესებს საკუთარი თავის შესახებ?


მაინტერესებს რას ვერ ვაპატიებდი საყვარელ ადამიანს


- რა გინდა რომ საყვარელ ადამიანს შენში მოსწონდეს და უყვარდეს?


უყვარდეს ჩემი არსების მრავალფეროვნება, მოსწონდეს ჩემი ფიზიკური გამოვლინება, ყველაფერი რაც ხილვადია ჩემში


- რა არის წყვილის ურთიერთობაში მნიშვნელოვანი?


ნდობასთან და გულწრფელობასთან ერთად თავისუფალი სივრცე, ამის გარეშე სიყვარული თაფლობის თვის შემდეგ ისე გაქრება, თითქოს არც ყოფილა


- დეპრესიაში რომ ვიყო რას მეტყოდი?


დაგცინებდი))


- შენი საყვარელი ლექსის ბოლო სტროფი..


"გამოფხიზლდება შენი რაში სფინქსის ყურებით, დაუწყებს ძებნას უდაბნოში თავის სიყვარულს"


#InterView #InterArt #ინტერვიუ #ინტერარტ #ლილა #ნინი #ლი #ლა



 

 

Copyright © 2019 Interview